Ah Kamal Bhaie

                                       آہ کمال بھائی!

کمال احمد خان . . . میرے کمال بھائی. . .میرے ھمزلف. . . میرے سمدھی . . اور سب سے بڑے میرے گھرے  پیارے دوست. . . ۲۳ دسمبر۲۰۱۳ بروز پیر دن ۱۲.۱۵ ھم سب کو داغ  مفارقت دےکر اس جہان فانی سے رخصت ھو گۓ انا للہ وانا علیہ راجعون!. . . اللہ تعالی   انکی مغفرت کرے اور انکو جنت الفردوس میں جگہ عطا فرماۓ آمین!  ثم آمین!یہ کل ہی کی تو، یعنی پیر ۲۳ دسمبر کی بات ہے. . میں کراچی ، ناصر اپنے بھائی  کے گھر تھا. ھم سب یعنی میں ، فریدہ، عباد , ناصر کی بیٹی منزہ کی شادی اور بیٹے عبدالرحمان کے نکاہ کے سلسلے میں کراچی ۱۸ دسمبر سے آے ھوۓ تھے. سلمی اور فاروق بھی آۓ ھوے تھے. حسن اتفاق سے سے فاروق کو کراچی ,آفیشیل ٹور پر انھی دنوں آنا تھاجن دنوں یہ تقریبات تھیں . سلمی کا قیام فاروق کے ساتھ ھوٹل میریٹ کراچی میں تھا جو ناصر کے گھر سے ۲۰ کلو میٹر دور تھا . میرا چھوٹا بھائی عارف بھی بمعہ فیملی بھی آیا ھوا تھا اسنے بھی موقع غنیمت جانکر ۲۳ دسمبر رات اپنی شادی کی ۲۵ ویں سالگرہ اپنے سسرال کے گھر کے باہر ایک گرینڈ ڈنر کا پروگرام رکھا تھا جسمیں تمام خاندان  کے  لوگ دوست اور احباب مدعو تھے اور  اسی دن عصر کی نماز کے بعد  عبدالرحمان کا نکاہ ھونا تھا جو وھیں دلھن کے گھر تھا جس میں خا ندان کے صرف چیدہ , چیدہ لوگ مدعو تھے. . . . بحرحال میں اس دن یعنی کل جیسا میں نے اوپر زکر کیا ھے ، ناصر کے ساتھ بیٹھا ھوا دن ۱۲ بجے کی جیو نیوز پر خبریں سن رھا تھا. . . تقریبن ۱۲.۲۰ کا ٹائم تھا. . .

ٹی وی پر میڈم نورجہان کی برسی کے بارے میں پروگرام آرھا تھا کہ اچانک لینڈ لائن   فون کی گھنٹی بجتی ھے. . . میں نے ناصر سے کہا دیکھو کس کا نمبر ھے. . . یہ تو کوئی اننون نمبر ھے. . ناصر نے نمبر پڑھتے ھوۓ جواب دیا. . . ارے یہ تو سلمی کا موبائیل نمبر ھے مجھے دو. . . آچانک ایک ھوک سی میرے دل میں اٹھتی ھے. خدا خیر کرے . . خدا خیر    کرے . . .سلمی کی روتے ھوۓ آواز آتی ھے . .ابو. . ابو. .  کیا ھوا بیٹے . . کیا ھو بیٹے . .  میں  زور زور سے چیختا ھوں . . . "ابو ابھی انکا فون آیا تھا کہ پتہ نھیں کمال خالو کو  کیا ھو گیا ھے وہ بالکل ریسپونس نھیں دے رھے. . آپ امی کو بلائیں. .ھوش جیسے گم ھوتے جا رھے تھے. . . فریدہ. . فریدہ جلدی آو . . . جلدی آو. . میں چیخنا شروع کر دیتا ھوں . . . فریدہ بھاگ کر آتی ھے اور میرے ھاتھ سے فون چھین کر سلمی سے بات کرنے لگتی ھے . . اور خود بھی رونا شروع کر دیتی ھے اور سلمی کا فون کاٹ کر فورن اپنے گھرسٹیلائٹ ٹاون راو لپنڈی فون ملانا شروع کر دیتی ھے. . . فون جلدی مل جاتا ھے. . . سارہ سے بات ھوتی ھے . . . مگر سارہ کے علم میں کوئی بھی بات نھیں ھوتی. . بلکہ وہ بتاتی کہ "کمال بھائی اور رضوان کوئی ایک گھنٹے پھلے ھی رابعہ باجی اور چندا کو وہاں چھوڑ کر گے ھیں اور کمال بھائی ساتھ بتا کر بھی گے ھیں کہ کچھ اچھا  پسندیدہ  دوپھرکا کھانا بنانا وہ آ کر کھائیں گے. . ". . ادھر میں اپنے موبائیل سے رضوان کا نمبر ملشروع کر دیتا ھوں تاکہ صحیح بات پتہ چل سکے. . . مگر بار بار نمبر ملانے کے باوجود رضوان کا نمبر نو رپلائی ھو رھا تھا. . . پھر اسد کانمبر ملانے کی کوشش کرتا ھوں مگر وہ بھی نو رپلائی ھی ملتا تھا . . . بڑی پریشانی لاحق ھرہی تھی. . کوئی بات ھی کنفرم نہیں ھو پا رھی تھی . . . ادھر عبدالرحمان بھی رابطے میں لگاھوا تھا کہ کیا ھو گیا ھے. . اسی اثنا میں میرے موبائیل کی گھنٹی چیخ پڑتی ھے. . دیکھتا ھوں تو وہ سلمی کا فون تھا. . ". . ابو. . . ابو . . . شدید روتے ھوۓ. . . کمال خالو collapse ھوگۓ. . کمال خالو collapse ھوگۓ. . . انا للہ وانا علیہ راجعون. . .انا للہ وانا علیہ راجعون. . میں یہ کہتے ھوۓ. . .  دھاڑیں مار مار کر رونے لگا اور ساتھ رکھے ھوۓ صوفے پر گڑ پڑا. . فریدہ بھی زارو قطار رونے لگی. . عبدالرحمان نے بھاگ کر مجھے اٹھایا. . . نھیں بڑے ابو. . نھیں بڑے ابو. . کمال انکل ابھی کومے میں ھیں . . . پھر کچھ ھی دیر بعد بولا. . وہ آئی سی یو میں ھیں اور کوئی پازیٹیو سائن نھیں ھیں. . . مگر میں تو پہلے ھی سمجھ چکا تھا کہ کمال بھائی اب اس دنیا میں نھیں ھیں. . . . رونے وغیرہ کی آوازیں سنکر خالداور شانو بھی اوپر سے بھاگ کر آۓ اور ھم دونوں کو دلاسہ دینے لگ گۓ. . . خالد فورن اسلام آباد جانے کے لیۓ فلائٹ میں سیٹیں بک کرانے میں لگ گیا. . . اور ۱.۲۰ پر ھم دونوں کی شاھین ائیر لائین کی شام چار بجے کی فلائٹ سے سیٹیں بک ھو گئیں . . . ادھر سلمی اور فاروق کی PIA کی بھی شام چار بجے کی فلائٹ سے سیٹیں بک ھو گئیں اور عباد کی Air Blue کی   رات ساڑھے سات بحے کی فلائٹ سے سیٹ بک ھوئی. . . تھوڑی ھی دیر بعد عارف اور فرح بھی وھاں پھنچ گۓ. . . عارف نے اپنی شادی کی ۲۵ ویں سالگرہ کا اس دن رات کو ھونے والی پاڑٹی کا پروگرام بھی کینسل کر دیا تھا. . .  تھوڑی دیر بعد میں اور فریدہ عارف کی رینٹ پر لی ھوئی کار پہ ائر پوڑٹ روانہ ھوگۓ. . . خالد ھمارے ساتھ تھا  ائر پوڑٹ تک ھمیں چھوڑنے آیا تھا. . . ائرپوڑٹ کے بوڑڈنگ کاءونٹر لاءونج میں سلمی اور فاروق سے ملاقات ہوگئی جو  پی آئی کے  کااونٹر سے اپنا بوڑڈنگ کاڑد لینے کھڑے تھے. . . سلمی نے جونھی ھم لوگوں کو دیکھا بھاگ کر آکر فریدہ سے گلے لگ کر دھاڑیں مار مار کر رونے لگی. . . تھوڑی ریر بعد فاروق بھی  روتا ھوا پہنچ گیا . . . میں نےاسے لپٹا کر تسلی دی. . پھر ھم لوگ شاھین ائر کے بوڑڈنگ کاڑڈز لے کر ڈیپارچر لاونج کی طرف روانہ ھوۓ. . . ٹھیک شام چار بجے ھمارے جہاز نیں اسلام آباد کی طرف اڑان بھری. . . ویسے تو ھمارا سفر اسلام آباد تک  ایک گھنٹہ چا لیس منٹ تک کا تھا مگر جھاز کے کپتان نے راستے میں بتایا کہ  کیوں کے ہوا کا پچھلا دباءو ۲۰۰ کلومیٹر پر  ھاور رفتار کا ھے اسلۓ ھم مقررہ وقت سے۱۵منٹ پہلے اسلام آباد پھنچ جائینگے   انشا اللہ . .  .راستے بھر میری آنکھیں آنسووں سے ڈبڈبائی رھیں اور کمال بھائی بیحد یاد آتے رھے. . . سوچتا رھا دیکھو یہ کل ہی کی تو بات ھے (یعنی اتوار ۲۲ دسمبر کی شام کی). . .جب عصر کی نماز سے فارغ ھو کر سعد کے ولیمےمیں جانے ک لۓ اپنی قمیض جلدی جلدی استری کررھا تھا کیونکہ بجلی کی  لوڈ شیڈنگ کا و قت ھونے والا تھا . . .کہ میرے سیل فون کی گھنٹی بجتی ھے. . . نمبر پڑھتا ھوں تو وہ نمبر کمال بھائی کا تھا. .  "جی کمال بھائی. . . خیریت تو ھے   . . .  . . . دوسری طرف سے کمال بھائی کی آواز آتی ھے. . "طارق ھولڈ کرنا". . . پھر رابعہ باجی کی اچانک آواز آتی ھے. . . " کیا طارق تم نے فون کیا ہے؟"... نہیں رابعہ باجی کمال بھائی نے کیا ھے . . . پتہ نہیں وہ فون ھولڈ کراکے کہاں چلے گۓ" میں جوابن کہتا ھوں. . . "یہ ایسا ھی کرتے ھیں. . . پان کا پیک تھوکنے گۓ ھیں". . دوسری طرف سے رابعہ باجی کی آواز آتی ھے . . . "تھوڑی ھی دیر بعد کمال بھائی کی آواز آتی ھے . . . "ھاں طارق کیا حال ھے . . تم مجھے بیحد یاد آرھے تھے. . . سوچا تمھیں فون ھی کر لوں. . . تم لوگ کب واپس کراچی سے آرھے ھو؟. . . میں کہتا ھوں  . ."انشااللہ ۲۸ دسمبر کو تیزگام سے. . . کیوں ! کچھ کام ھے کمال بھائی کیا؟. . . " نھیں . . کچھ کام نہیں . . بس ایسے ھی تم کو کال کر رھا ھوں. . ". . کمال بھائی یہ کہتے ھیں اور ساتھ ھی انکی کال ڈراپ ھو جاتی ھے. . . تھوڑی دیر تک میں  انکی کال کا انتظار کرتا ھوں کہ شائید دوبارہ کریں . . . اور پھر اپنےکام  میں مصروف ھو جاتا ھو. . . ہاۓ! مجھے کیا معلوم تھا کہ اب میں کبھی بھی کمال بھائی کی آواز نہ سن سکوں گا. . . . . جہاز تندھی سے اپنی منزل  کی طرف گامزن تھا اور میں آنکھیں بند کۓ ھوے کمال بھائی کے ساتھ گزارے ھوے دنوں کی یادوں گم تھا اورساتھ ھی زبان سے آہستہ آہستہ درود شریف کا ورد بھی کرھا تھا. . . دفعتن مجھے یہ بھی یاد آگیا کہ کل ھی ( بروز ھفتہ) . . . میں  نے  کمال بھائی کے اپنی فیس بک پر , میرے اپ لوڈکردہ فوٹوز پر "Like" کے ریمارکس  دیکھے تھے جو میں نے منزہ ( میری بھتیجی) کی کل ( جمعہ ۲۰ دسمبر ) شادی پر خود میں  نے  اپنے  iPhone  سے  کھینچے تھے. . .  اور کچھ اچھے فیملی فوٹوز کو مین نے جمعہ اور ھفتہ کی درمیانی شب اپنے فیس بک کے اکاونٹ میں اپ لوڈ کۓ تھے. . . یہ کمال بھائی کہ شائید پہلی  مرتبہ فیس بک پر ریمارکس  تھے. . اور انکی پہلی مرتبہ Profile فوٹو نظر آئی. . . .بہت اچھی فوٹو تھی جو انھوں شائید فرسٹ ٹائم اپنے فیس بک اکاونٹ " Kamal A Khan " پر اپ لوڈ کی تھی. . . میں کمال بھائی کی سوچوں میں , آنسو کی لڑیوں کے ساتھ محو تھا . . . . اور اسی دوران جھاز نے اسلام آباد ائر پوڑٹ پر ٹھیک شام ۵ بجکر ۳۵ منٹ پر لینڈ کیا. . . . ھمارا سامان جلد ھی آگیا اور ھم دونوں تھوڑی دیر بعد ائر پوڑٹ سے باہر تھے. . . وھاں باہر مصطفی ( سارہ کا بیٹا) , امین اور تیمور ( کمال بھائی کے بھتیجے) کو منتظر پایا. . . سب , ھم دونوں سے بھاگ کر آکر لپٹ کر رونے لگے. . . جب ھم لوگ مصطفی والی گاڑی میں سامان رکھ چکے تو تیمور نے آکر بتایا کہ فاروق اور سلمی والی پی آئ  اے کی فلائٹ بھی بس لینڈ کرنے والی ھے کیوں نہ ان لوگوں کا بھی انتظار کر لیں. . . پھر میں اور فریدہ گاڑی  میں بیٹھے ھوۓ ان لوگوں کا انتظار کرنے لگے. . . . کوئی بیس منٹ بعد وہ سب لوگ نمودار ھوۓ انکا سامان تیمور اور امین والی گاڈی میں رکھا گیا اورپھر ھم , لوگ ساڑھے سات بجے کے قریب بحریہ ٹاون روانہ ھوۓ. . بحریہ ٹاون تک کا فاصلہ تقریبن ۳۵ منٹ کا تھا. . . . اور اس طح ھم سب لوگ بخیریت آنکھوں میں آنسووں کی بوچھاڑ لۓ کمال بھائی کے گھر , بحریہ ٹاون میں پہنچے. . . . . . . اور ھمارے پہنچتے ھی وھاں آھوں فغاں کا ایک بار پھرکہرام مچگیا. . . کمال بھائی کی میت ٹی وی لاونج میں غسل کے بعد کفن میں لپٹی ھوئی جنازے والے پلنگ پر رکھی ھوی تھی . . . اور اس کے اردگرد چاروں طرف  عورتیں اور بچیاں بیٹھیں بین کر رھی تھیں . . . .رابعہ باجی  غم واندوہ , حسرتوں یاس کی تصویر بنیں ھوی  ,اس کے سرھانے بیٹھی ھوئی ,. . زارو قطار رو رھی تھیں. . . . مجھ کو دیکھتے ھی ان کی آنکھوں سے آنسوں کی بوچھاڑ میں اور اضافہ ھو گیا . . . "طارق , وہ چلے گۓ. . . وہ چلے گۓ". . . رابعہ باجی نے مجھے دیکھ کر روتے ھوے کہا. . . "باجی یہ کیا ھوگیا اچانک. . یہ کیا ھو گیا . . . کیا ھوگیا. . ". . میں نے روتے ھوۓ جواب دیا. . . سلمی اور فاروق کا برا حال تھا اور  سلمی چیخ. .چیخ کر رورھی تھی. . . غرض وھاں ھر آنکھ اشکبار تھی ماسواۓ کمال بھائی کے جو ابدی نیند سورھے تھے اور . . وھاں جا چکے تھے جہاں سے کوئی بھی لوٹ کر نہیں آتا. . . .  میں نے روتے  ھوۓ ,. . کمال بھائی کے پرسکون  ابدی نیند سوتے ھوے چہرے کو دیکھتے ھوۓ کہا. . " واہ کمال بھائی . . واہ . . . واہ. . آپ نے تو کمال ھی کر دیا . . . اچا نک ھی چلے گۓ  . . یہ تو آپ نے بہت زیارتی کی میرے ساتھ. . کم از کم. . میرا تو  انتظار کر لیتے . . . کل ھی تو آپنے مجے فون کر کے مجھ سےمعلوم کیا تھا کہ کب آرھےھو. . اور میں آپکو بہت یاد آرھا ھوں. . ". . . یہ کہتے کہتے میرا ضبط و صبر کا دامن , جو اس سے پہلے صرف آنکھوں  میں آنسووں کی لڑیوں تک محیط تھا. . . اچانک ٹوٹ گیا اور  میں. .دھاڑیں مار مار کر رونے لگا اور گر پڑا . . . اور پھر بے ھوش سا ھوگیا . . . اور  تھوڈی ریر کے لۓ تاریکی میں  ڈوب سا گیا . . . . مجھےنیم بے ھوشی کی حالت میں اپنی بہن عزرا کی بھرائی ھووی آواز آئی . . . "بھیا. . بھیا. . . اٹھو". . کسی نے میرے چہرے پر پانی کے چھینٹے مارے. . اور کسی نے پانی پلانے کی کوشش کی  . . بحرحال میں تھوڑی ھی دیر میں ھوش میں آگیا. . . دل تھا کہ غم سے پھٹا جارھا تھا. . . .ایک عجیب سی وحشت دل میں سوار ھورھی تھی. . .  اور بیحد عجب حال تھا. . . مجھے یہ بلکل بھی یقین نہین آرھا تھا کے کمال بھائی رخصت ھوگۓ ھیں ھمیشہ کے لۓ. . میں نے صوفے پر بیٹھتے ھووۓ رضوان ( کمال بھائی کا بڑا بیٹا)  کو اشارہ کرکے اپنے پاس بلایا اور روتے ھوے اس سے پوچھا رضوان یہ کیسے اچانک ھوگیا؟ . . . .رضوان نے جواب دیا. . . "طارق انکل آپ کو تو معلوم ھی ھے جب بھی ابو کو اپنے کسی کام سے اسلام آباد جانا ھوتا میں ھی انکو لے جاتا تھا. . . آج بھی انکو اسلام آباد جانا . . . امی نے کھا کہ انکو اور چندہ (راضوان کی بیگم)  کو بڑی امی کے گھر   چھوڑتے جانا اور واپسی پر لے لینا. . . تو ھم اپنا گھر لاک کرکے سٹیلا ئٹ ٹاون پھنچے وھاں انکو ڈراپ کیا اور میں ابو کو اسلام آباد کلب لے آیا. . . ویسے میں عمو من ابو کو انکی کام والی جگہ چھوڑ کر اپنے آفس چلا جاتا تھا. . . اور پھر جب ابو بلاتے . . میں انکو گھر لے جاتا. . . یھی میرا انکے ساتھ روٹین تھا . . . مگر آج جب انکو اسلام آباد کلب لے کر آیا جہاں انکو کام تھا . . . انھوں نے گاڑی سے اترتے ھووے مجھکو کہا کہ وہکہا کہ میں ٹھر جاوءں کیونکہ انکو وھاں کچھ تھوڑا  سا کام ھے اور میں گاڑی میں بیٹھا انکے آنے کا انتظار کرنے لگا. . . کوئی دس منٹ  ھی کے بعد انکو میں نے واپس آتے ھوے دیکھا. . . گاڑی کے قریب آکر انھوں نے پہلے گاڑی کا پچھلا دروازہ کھولا اور اپنا بیگ پچھلی سیٹ پر رکھا اور آگے بیٹھتے ھووے مجھکو ایک اور آفس لیجانے کے لۓ کہا. . . ابو خوش نظر آرھے تھے کہ وہاں انکا کام  جلدی ھوگیا. . . جیسے ہی ابو بیٹھے, میں نے گاڑی سٹاڑٹ کرنے کے لیۓ چابی لگایئ اور ابھی میں گاڑی کو اسٹاڑٹ کرنا ھی چاھتا ھی تھا  کہ اچانک میری نظر ابو پر پڑی. . . کیا دیکھتا ھوں کہ ابو کا سر ایک طرف ڈھلکا ھوا ھے اور وہ زور زور سے سانس لینے کے لۓ کوشش کررھے ھیں . . . .مجھے لگا کے ابو کا سانس چوک ھورھا ھے. . . میرے تو ھوش وحواص جاتے رھے . . بہت مشکل سے اپنے آپ کو سنبھالا. . . . اور جلدی جلدی انکا سینہ ، دل کی جگہ والا حصہ،  زور زور سے سہلانے لگا. . . اور پھر اپنا منہ انکے منہ پر رکھ کر ، انکو زور زور سے سانس دینے لگا مگر ابو پہ کوئی اثر نھیں ھووا . . اور پھر میں نے قریب پاس کھڑے ھووے سکیورٹی گاڑڈ کو پانی لانے کو کہا. . . گاڑڈ بھاگ کر گلاس میں پانی لے کر آگیا. . . اور میں نے جیسے ھی انکو پانی پلانے کی کوشش کی . . . وہ پانی نہ پی سکے. . پھر میں نے انکے حلق میں پانی ڈالنے کی کوشش کی پانی انکے حلق میں تو نہ جاسکا بلکہ  چھلک کر باھر آگیا اور رال کی طرح باہر بہنے لگا. . . میں سمجھ چکا تھا کہ شائید ابو اس دنیا سے کو چ کر چکے ھیں. . . میں نے گاڑڈ سے کسی قریبی ڈاکٹر کے بارے میں پوچھا. . . اسنے نفی میں جواب دیا. . . میں ابو کو اسی حالت میں لے کر پمز ہسپتال اسلام آباد بھاگا جو وھاں سے کافی فاصلے پر تھا. . . راستے سے میں نے پہلے بھائی (فاروق) کو کرا چی فون کیا اور اسکو صرف یہ بتایا کہ ابو کی طبیعت بہت خراب ھے اور وہ بےسدھ پڑے ھووے ھیں اور وہ انکو پمز لے جارھا ھے. .. . پھر میں نے اسد ماموں کو فون کیا اور بتایا کہ شائید ابو کی ڈیتھ ھوگئی ھے اور وہ انکو پمز لے جارھاھوں . . .. اور اسکے بعد می نے اپنے کزنز کو فون کیا اور انکو بھی یہھی بتایا. . . دوپھر ۱۲بجکر ۱۵ منٹ پر میں پمز ہسپتال پہنچا. . . ایمرجنسی کہ تمام ڈاکٹرز بھاگ . . بھاگ کر میرے پاس آگۓ. . . ڈاکٹرز نے پھلے ابو کی نبض وغیرہ دیکھیں . . . اورر بھرآنکھیں. . . نہ ابو کی نبضوں میں کوئی دل کی دھڑکن کے آثار تھے . . . اور نہ آنکھوں میں کوئی زندگی کی رمق و چمک. . . یعنی ابو واقعی اس دار فانی سے کوچ کرچکے تھے. . . مگر ڈاکٹرز پھر بھی انکو آئی سی یو میں لے کر چلےگۓ. . اپنی ایک آخری کوشش کرنے کے لۓ . . . اور تھوڑی  ھی دیر بعد انھوں نے باہر آکر , ابو کی وفات کا بتایا. . .کچھ دیر میں اسد ماموں اور فواد بھی پہنچ چکے تھے. . . کوئی تین بجے کے قریب کاغزی کاروایاں ختم , مکمل ھوئیں . . .تو ابو کے جسد خاکی کو ایمبولینس میں  , فواد اور دوسرے کزنز کے ھمراہ گھر بحریہ ٹاءون روانہ  کیا. . . اسد ماموں بھی اپنی کار میں ایمبو لینس کے ساتھ ساتھ روانہ ھوۓ. . .اور میں امی , چندہ اور بچوں کو سٹیللائیٹ ٹاءون سے لیتا ھوا گھر روانہ ھوا کیونکہ گھر کی چابیاں میرے پاس تھیں . . . امی کو یہ ہی بتایا کہ ابو کی طبیعت بیحد خراب ھے. . میرے گھر پہچنےکے ساتھ ھی ساتھ ایمبولینس بھی ابو کا جسد خاکی لے کر گھر پہنچ چکی تھی. . ". . . رضوان یہ سب بتا کر روتا ھوا اٹھکر چلا گیا. . . کمال بھائی کا جنازہ شب ۹.۳۰ بجے اٹھنا تھا. . . لاھور سے آنے والے عزیزوں کی وجہ سے یہ وقت رکھاگیا تھا جن کی آمد اسوقت تک متوقع تھی. . . کیونکہ ابھی جنازہ اٹھنے میں ایک ڈیڑھ گھنٹہ باقی تھا. . . میں اٹھکر اوپری منزل , سلمی کے کمرے میں عشا کی نماز پڑھنے چلا گیا. . . جب واپس نماز پڑھکر نیچے آیا تو اسوقت جنازہ اٹھنے میں آدھا گھنٹہ رہ گیا تھا . . خرم اور منصور ( میری بڑی سالی , شمیم باجی مرحومہ کے بیٹے) جو لاھور سے آرھے تھے, ۱۵ منٹ میں پہنچنے والے تھے مگر انکے چھوٹے بھائی عثمان ، جو اپنی فیملی کے ساتھ لاہور سے آرہا تھا , اسکے پہنچنے میں تاخیر تھی. ..۹.۳۰ شب کے تھوڑی ھی دیر بعد کمال بھائی کے جنازے کو بہت ساری آھوں اور سسکیوں میں اٹھا لیا گیا. . . ھر طرف  سے رونے اور چیخوں کی کان پڑی آوازیں آنے لگیں. . . ایک عجیب سا نا قابل بیان سماں تھا. .اور ھم لوگ کمال بھائی کے جسد خاکی کو خاک میں دفن کرنے کے لیۓ روانہ ھوۓ . . . پہلے انکی میت کو کاندھا دے کر باہر کچھ دور کھڑی ھووی ایمبولینس تک لایا گیا. . . اور وھاں سے ایمبولینس میں بحریہ ٹاءون کی جامع مسجد میں نماز جنازہ کے لۓ لایا گیا. . . نمازہ جنازہ کچھ دیر بعد ھی ادا کردی گئی. . . . عثمان بھی اسوقت تک وھاں پہنچ چکا تھا اور اسکو نماز جنازہ بھی مل گئی تھی. . . نماز جنازہ کے بعد پھر ھم لوگوں نے دوبارہ میت کو ایمبولینس میں رکھا اور میں ، ودود , رضوان، فاروق اور تیمور تو میت کے ساتھ بیٹھ گۓ اور تجمل آگے ڈرائیور کے ساتھ . . . اور ھم لوگ قبرستان کی طرف روانہ ھوۓ . . کمال بھائی کی آخری منزل کی طرف . . انکو ھمیشہ کے لیۓ چھوڑنے. . بحریہ ٹاءون کا قبرستان جامع مسجد سے صرف پانچ یا چھ منٹ کی دوری پر تھا. . . ھم لوگ تو ایمبولینس میں جا رھے تھے اور دوسرے بہت سے اپنی اپنی گاڑیوں میں . . . راستے بھر ھم  لوگوں کی ذبان پر کلمہ طیبہ اور کلمہ شھادت کا ورد رھا. . . اور تھو ڑی ھی دیر بعد ھم قبرستان پہنچ چکے تھے. . کمال بھائی کے لۓ کھدی ھوی قبر اسی قطار کے آخر میں تھی جس میں دانش ( راشد اکرم کا جوان بیٹا جسکی  ۱۲ جولائی ۲۰۱۲  نالے میں ڈوبنےکی وجہ سے ایک درد ناک موت ھوگئی تھی)  قبر تھی. . . اور انکی قبر کاالاٹ کیا ھوا نمبر 72-B تھا. . . قبر میں اتارنے سے پہلے کمال بھائی کا آخری دیدار کرایا گیا . . . رضوان اور فاروق نے انکو قبر میں اتارا اور ھمیشہ کے لئے  آنسوں اور سسکیوں  میں زمین کے حوالے کیا. . . قبر کی بھرائی کے بعد اس پر عرق گلاب کا چھڑکاءو کیا گیا اور گلاب کے پھولوں کی پتیوں سے ڈھانپ دیا گیا . . . پھر مولوی صاحب نے قبر کے سرہانے ایک قرانی آیت کی پہلے تلاوت کی اور اسکے بعد فا تحہ پڑھی اور کمال بھائی کے لئے مغفرت کی دعا کی. . . رضوان نے وھیں  , ۲۵ رسمبر کو صبح ۱۰ بجے, کمال بھائی کے سوئم کا گھر پر کرنے کا اعلان کیا . . . اور اسکے بعد ھم سب وھاں سے کمال بھائی کو ھمیشہ کے ليۓ خدا حافظ کہتے ھووے روانہ ھووے. . میرے آنسووں کا ضبط جو ایک بار بندھ سا گیا تھا. .  پھر ٹوٹ گیا اور میں دوبارہ پھوٹ پھوٹ کر رونے لگا...۶ دفن کرکے چلدیۓ , دعا نہ سلام. . . زرا سی دیر میں کیا ھوگیا زمانے کو؟؟؟؟

اس رات جب ھم لوگ کمال بھائی کو منوں مٹی ميں دفن کر کے گھر واپس لوٹ رھے تھے نہ جانے کیوں میری زبان پہ عابدہ پروین کی گآئی ھوئ ایک مشھور غزل کا یہ پہلا مصرعہ کلبلارھا تھا. . . ء ڈھنڈوں گے اگر ملکوں ملکوں . . ملنے کے نھیں نایاب ھیں ھم. . . واقعی کمال بھائی آپ تو کم از کم میرے ليۓ تو بیحد نایاب تھے. . میرے ليۓآپ کی شخصیت . . آپکے حسن سلوک . . اور آپکی میرےلئے بیپایاں محبت. . . میرے ليے کسی میراث سے تو کم نہ تھی  . . . ھم لوگ کتنے اچھے دوست تھے اگرچہ میرے آپ سے اور بہت بھی رشتے تھے مگر جو ایک بھترین دوست کا رشتہ تھا وہ سب پر فوقیت لئےہوے تھا. . . کمال بھائی مجھے بتاءیں تو میں آپ جیسا پیارا دوست کہاں سے ڈھونڈ کر لاءوں. . . کہاں سے ڈھونڈ کر لاءوں. . . یہ دنیا تو فانی ھے جو بھی اس دنیا میں آئیگا. . اسنے اک دن جانا ضرور ھے . . .صرف اللہ واحدھو کی زات باقی رھنی ھے . . جو ھمیشہ سے ھے اور ھمیشہ رھیگی بیشک. . . سب زی روح کو ایک دن ایک دوسرے سے بچھڑنا  ضرور ھے. . . مگر جب کوئی اپنا اسقدر پیارا , یوں اچانک ھمیشہ کیلۓ بچھڑ جاۓ تو اسکی بیحد تکلیف ھوتی ھے. . بیحد تکلیف ھوتی ھے . . . 

کمال بھائی کی اس اچانک وفات کے بارے میں ، مینے یہ سطور لکھنے کا آغاز 24 دسمبر 2013 کی  رات سے کیا تھا یعنی انکی وفات کی اگلی رات سے . . اور پھر جب موقع ملتا میں تھوڑا بہت روزانہ لکھتا رھتا . . . آج اسکو پایہ تکمیل تک پہنچایا  . . یعنی ابھی جب سن ۲۰۱۳ کو ختم ھوۓ ۳ گھنٹے گزر چکے ھیں. . . سن ۲۰۱۳ اپنے دامن میں  انگنت واقعات, مسائل، حادثات ليۓ ھوے , تین گھنٹے پھلے ھمیشہ ھمیشہ کیلۓ رخصت ھو چکا ھے. . . اور سن 2014 اپنی رعنايوں کیساتھ جلوہ افروز ھوچکا ھے. . . اب نہ جانے اس میں کتنے واقعات , مسائل , جادثات اس میں جنم لینگے. . . کچھ اچھے ھونگے . . کچھ برے. . کوئی آۓ گا اور کوئی جائیےگا  . . .مگر میرا یار. . . میرا پیارا دوست . . کبھی نھیں آيۓ گا. . . کمال بھائی کی شخصیت کیا تھی. . . میرا ان سے تعلق کب ھوا . . میں نے انکو کیسا پایا. . ان سب کے بارے میں میں جلد ھی تحریر کروں گا . . ابھی صرف اتنا ھی عرض کروں گا کہ وھ میرے ایک عظیم دوست تھے . . جو یوں اچانک مجھے غم  کی گھرائیوں میں ڈال کر چلے گۓ . . ھمیشہ کیلۓ.. . اللہ کمال بھائی کی مغفرت کرے اور اپنے پیارے حبیب صلی علیہ وسلم کے صدقے انکو جنت الفردوس  میں جگہ عطا فرماۓ آمین! ثم آمین!

                          ‏آسمان تیری لحد پہ شبنم افشانی کرے

                         سبزہ نورستہ اس گھرکی نگہبانی کرے

تمت بالخیر

محمد طارق اظھر

راوالپنڈی

یکم جنوری 2014

شب تین بجکر بیس منٹ